De la 9-a ĝis la 12-a de oktobro '26 okazos en Malago la 22-a Andaluzia Kongreso de Esperanto
Del 9 al 12 de octubre '26 se celebrará en Málaga el 22º Congreso Andaluz de Esperanto
22-a Andaluzia Kongreso de Esperanto, kaj
4-a NaturAmika KulturSemajno en Esperanto.
Malago 9-12 oktobro 2026
Ni ĝojas inviti vin partopreni en la 22-a Andaluzia Kongreso de Esperanto
(AKE), kiun ĉi-jare nia asocio Andaluzia Esperanto-unuiĝo (AEU) organizas kune kun la asocio Esperanta Naturamikaro (ENa), kiu organizas la 4an NaturAmikan KulturSemajnon en Esperanto (NAKSE). Unuafoje la du esperantistaj asocioj en Malago kune organizas esperantan agadon.
📅 Datoj: de vendredo la 9-a ĝis lundo la 12-a de oktobro (ĉar lundo la 12ª estas festotago en
Hispanio).
📍 Loko: Malago, la perlo de la Suna Marbordo.
📍 Kongresejo: Dioceza Domo aŭ Seminario de Malago (Casa Diocesana o Seminario). Ĝi estis antaŭe Dioceza Seminario, sed ĝi estis modernigita kaj ĝisdatigita por ke nun ĝi estu luebla de grupoj aŭ individuoj. Ĝi situas en tre agrabla loko apud natura parko, ĉirkaŭita de arboj kaj tute proksima al la centro de Malago. La urba buso 37 konektas ĝin kun la Paseo del Parque (Promenejo de la Parko).
🏨 Loĝado: En la sama konstruaĵo de la Kongresejo ni zorgos pri komforta kaj agrabla restado de la partoprenantoj en la gastejo de la Dioceza Domo de Malago (Casa Diocesana de Málaga). Ĝi estas tiu sama gastejo, kie jam okazis la pasinta 71-a IFEF, kaj 78a-Hispana Esperanta Kongreso en majo 2019, kiu ricevis tre favorajn opiniojn de la ĉeestantaro. Ĝi estas ankaŭ sidejo de la prestiĝa "Escuela de Hostelería y Turismo de Málaga" (Lernejo pri Hotel-administrado kaj Turismo de Malago), tio certigas al ni tre bonajn manĝadojn.
Ĉiuj ĉambroj estas komfortaj, havas privatan banĉambron kun duŝejo kaj inkluzivas litotukojn kaj necesejajn akcesoraĵojn. https://www.casadiocesanamalaga.com
Tranoktado en la gastejo dum la kongresaj tagoj inkluzivas kompletan pensionon (KP) (matenmaĝon, tagmanĝon kaj vespermanĝon).
Jen la tarifoj:
- Individua ĉambro (75€ tage). - Duopa ĉambro (65€ persone/tage).
Oni povas mendi minimume 2 noktojn kaj maksimume 4 noktojn, (de la 9a ĝis la 13a). Eblas mendi aldonajn noktojn (Loĝado kaj Matenmanĝo, LM). Vidu la aliĝilon.
Atentu: Mendo de loĝado en la Diocesa Domo estos akceptita ĝis elĉerpo de la ĉambroj disponeblaj.
📍 Vojo el la flughaveno al la Kongresejo:
La flughaveno estas sufiĉe proksima de Malago. Ĝuste en ĝia elirejo situas haltejo de la urba buso “A”, kiu, ĉiujn 20 minutojn, ekde la 7:00 ĝis la 01:15 labortage, ekiras ĝis la centro de Malago kun prezo 4 € persone. https://www.emtmalaga.es/emt-mobile/horario.html codLinea=75
Tute apude troviĝas la najbara trajna haltejo ĝis la centro de Malago. Ĉiujn 20 minutojn ekiras trajno ĝis la fina haltejo kun daŭro 12 minutojn. Prezo: 1.80 €.
https://www.aeropuertodemalaga-costadelsol.com/transportation/train-to-airport.htm#precios-billete.
Jam en la centro de Malago, en la avenuo “Paseo del Parque” (Promenado de la Parko), vi prenu la urban buson 37an, direkte al Orkolora Monto (“Monte dorado”), kiu havas haltejon apud la Dioceza Domo (“Casa Diocesana o Seminario”), haltejo nomumita “3704 Camino Almendrales-Seminario”. https://www.emtmalaga.es/emt-mobile/horario.html?codLinea=37.
La buso A, kiu venas de la flughaveno, havas ĝian lastan haltejon en “Paseo del Parque”, kie la 37a buso havas tre proksiman haltejon por iri al la kongresejo.
Taksio ĝis 4 personoj el la flughaveno ĝis la Kongresejo kostas inter 15€ kaj 20€.
🌿 Nepre vidindaj ekskursoj: malkovru Andaluzion!
Dumtage ni proponas agadojn por konatiĝi kun la naturaj kaj historiaj trezoroj de la regiono:
Sabaton: El Caminito del Rey (La vojeto de la Reĝo) estas tute nove restaŭrita pado por sekura promenado tra tre impresa interkrutejo. Se vi kuraĝas, vi povos trairi ĉi tiun imponan vojeton en neforgesebla natura medio.
https://eo.wikipedia.org/wiki/Caminito_del_Rey
Dimanĉon: Nerja kaj Frigiliana. Ni vojaĝos al Nerja, bela marborda urbo kaj tre fama pro la impona kaverno, kiun ni vizitos unue.
https://en.wikipedia.org/wiki/Caves_of_Nerja
Poste ni translokiĝos al la tre proksima Frigiliana, unu el la plej pitoreskaj blankaj vilaĝoj de Andaluzio. (Frigiliana, unu el la plej belaj vilaĝoj de Hispanio)
https://eo.wikipedia.org/wiki/Frigiliana
Postkongresa Ekskurso (organizonta) (13an-15an oktobro):
Ni vizitos Ronda (Arundo), belan kaj historian urbon en la montara regiono de la provinco, kun sia fama Nova Ponto, kaj belaj pejzaĝoj. Tie en 2014 ni organizis la Hispanan kaj Andaluzian Kongreson kun KER ekzamenoj de
UEA.
https://eo.wikipedia.org/wiki/Arundo
Tiun saman tagon ni iros al Setenil de las Bodegas
https://en.wikipedia.org/wiki/Setenil_de_las_Bodegas
kaj la sekvantan tagon ni transiros la Ĝibraltaran Markolon
por atingi Ceŭton, hispanan urbon en la norda marbordo de la afrika kontinento, aŭ Tanĝeron en Maroko. Ni baldaŭ informos pli detale.
https://eo.wikipedia.org/wiki/Ceŭto
https://eo.wikipedia.org/wiki/Tanĝero
🌙 Kultura programo en esperanto
Posttagmeze kaj vespere ni ĝuos riĉan artan programon en esperanto, kiu inkluzivos:
Koncerton aŭ muzikan prezenton
Prezentaĵojn de partoprenantoj pri diversaj temoj
Poezian promenadon sub la ĉielo de Malago
Ludojn kaj renkontiĝojn por krei amikecojn
La 22-a Andaluzia Kongreso de Esperanto estos bonega okazo por kunesti, praktiki esperanton kaj kune malkovri la kulturan kaj naturan riĉecon de Andaluzio.
Ni esperas vian partoprenon en ĉi tiu speciala renkontiĝo.
Se vi havas demandojn, bonvolu peti pliajn informojn al 22andakongreso@esperanto.ac
Kore salutas,
Carlos Spínola
Andaluzia Esperanto-Unuiĝo (AEU)
